განცხადება

განცხადება N 1

სსიპ გურჯაანის მუნიციპალიტეტის სოფელ კაჭრეთის საჯარო სკოლის ბაზაზე, 2022 წლის ნოემბრიდან ფუნქციონირებას იწყებს წიგნის მოყვარულთა კლუბი რომელიც განახორციელებს მრავალფეროვან აქტივობებს 2022-23 სასწავლო წლის განმავლობაში. წიგნის მოყვარულთა კლუბი გახლავთ კაჭრეთის საჯარო სკოლის ბაზაზე, ჩამოყალიბებული ორგანიზაცია, რომელიც მდებარეობს სკოლის მეორე კორპუსში (სოფელი ნანიანი). ეს იქნება საერთო ინტერესებისა და მოტივაციების მქონე მოსწავლეთა გაერთიანება. „წიგნის მოყვარულთა კლუბის“ წევრები შეიძლება გახდნენ კაჭრეთის საჯარო სკოლის IIIბ – IVბ მოსწავლეები, ისინი უნდა გაეცნონ წესდებასა და სამოქმედო გეგმას, მონაწილეობა მიიღონ მის ყოველდღიურ საქმიანობაში.

წიგნის მოყვარულთა კლუბის მთავარი მიზნები:

• წიგნიერების განვითარება;

• მოსწავლის აქტიურ მკითხველად ჩამოყალიბება;

• საბავშვო ლიტერატურასთან ზიარება;

• მოსმენის კულტურის, აზრის გამოხატვის უნარ-ჩვევების,ზეპირმეტყველების უნარის განვითარება;

• ინფორმაციისა და საკუთარი აზრის წერილობითი გადმოცემების უნარის განვითარება;

• ინდივიდუალური შემოქმედებითი უნარის გამოვლენა-განვითარება;

• სოციალური კომუნიკაციის უნარების განვითარება; კლუბი გეგმავს:

• ვიზიტებს სოფლის ბიბლიოთებაში;

• წაკითხული წიგნების განხილვას;

• დისკუსიებისა და ვიქტორინის მოწყობას;

• სხვა მრავალფეროვან აქტივობებს;